Wythnos Genedlaethol Diogelu

9 – 13 Tachwedd 2026

Profiad Bywyd yw'r thema gyffredinol ar gyfer Wythnos Genedlaethol Diogelu 2026 ledled Canolbarth a Gorllewin Cymru.

Mae'r thema yn cydnabod pwysigrwydd gwrando ar brofiadau pobl a dysgu ohonynt, a sicrhau bod eu lleisiau yn helpu i lunio sut rydym yn deall risg, yn ymateb i niwed ac yn gwella arferion diogelu.

Drwy gydol yr wythnos, bydd ein rhaglen yn archwilio profiad bywyd o amrywiaeth o safbwyntiau, gan ddod â lleisiau plant a phobl ifanc, oedolion, goroeswyr, ymarferwyr a phartneriaid ynghyd. Bydd digwyddiadau yn ystyried sut y gall profiad ddyfnhau dealltwriaeth broffesiynol, herio rhagdybiaethau a helpu gwasanaethau i ymateb yn fwy effeithiol i'r bobl a'r cymunedau y maent yn eu cefnogi.

Mae'r rhaglen yn cynnwys cyfle i ddysgu am ddiogelu wrth droi’n oedolyn, deall profiad bywyd gan ddefnyddio adolygiadau ymarfer, gwrywdod cadarnhaol a misogynedd, cam-drin ariannol, cam-drin domestig a chyfrifoldebau diogelu, ochr yn ochr â gweithgarwch partneriaid lleol helaeth a chyfleoedd pwrpasol i blant a phobl ifanc rannu eu profiadau. Bydd yr wythnos hefyd yn cynnwys ein Cynhadledd Diogelu Rhanbarthol, â phwyslais penodol ar gam-drin rhywiol a niwed rhywiol trwy lens profiad bywyd.

Trwy gydol yr wythnos, rydym yn gwahodd ymarferwyr i wrando, i fyfyrio ac i ystyried un cwestiwn pwysig:

Beth all profiad bywyd ei ddysgu i ni am sut rydym yn diogelu pobl yn well?