Deall Profiad Bywyd

Mae Paula McCreary yn ymgynghorydd diogelu annibynnol, yn hyfforddwraig ac yn addysgwraig sydd â phrofiad helaeth ym maes diogelu plant ac oedolion. Trwy hyfforddiant, ymchwil ac ymgynghoriaeth, mae'n cefnogi sefydliadau ac ymarferwyr i gryfhau ymarfer diogelu, chwilfrydedd proffesiynol a dysgu o adolygiadau.

Crynodeb o'r Cyflwyniad

Archwiliodd cyflwyniad Paula sut y gall profiad bywyd gryfhau ymarfer diogelu a gwella canlyniadau i blant, pobl ifanc ac oedolion. Gan dynnu ar ddysgu o Adolygiadau Ymarfer Plant, Adolygiadau Ymarfer Oedolion ac ymchwil gyfredol, amlygodd bwysigrwydd chwilfrydedd proffesiynol, ymgysylltu ystyrlon, cyfathrebu effeithiol a deall yr unigolyn cyfan y tu hwnt i labeli, diagnosisau neu bryderon sy'n ymddangos ar yr wyneb.

Cyflwyniad

• Deall Profiad Bywyd - WGD26 - Paula McCreary

Gwybodaeth Bellach

• Ynglŷn â Paula McCreary

Yn ystod y digwyddiad, gwahoddwyd cyfranogwyr i fyfyrio ar y rhwystrau a'r ffactorau galluogi sy'n dylanwadu ar ein gallu i ddeall profiad bywyd o fewn ymarfer diogelu. Cafodd eu cyfraniadau eu casglu drwy weithgareddau rhyngweithiol a gynhaliwyd yn ystod y sesiwn.

Beth sy'n ein rhwystro?

Rhannodd y cyfranogwyr eu barn drwy weithgaredd Slido, gan nodi ffactorau a all ei gwneud yn anodd deall profiad bywyd unigolyn yn llawn, gan gynnwys heriau sefydliadol, cyfathrebu ac ymarfer.

Gweler y myfyrdodau yma.

Beth sy'n ein helpu?

Cyfrannodd y cyfranogwyr hefyd at weithgaredd Padlet a archwiliodd y dulliau, yr ymddygiadau a'r amodau sy'n helpu ymarferwyr i ddeall profiad bywyd a meithrin perthnasoedd ystyrlon gyda'r bobl y maent yn eu cefnogi.

Gweler myfyrdodau a syniadau'r Padlet yma.