ACE Hub Wales – Adverse Childhood Experiences (ACEs) and Trauma-Informed Practice in Wales

Ennill dealltwriaeth o Brofiadau Niweidiol yn ystod Plentyndod (ACEs) ac ymarfer sy'n ystyriol o drawma yng Nghymru. Yn unol â Fframwaith Cymru sy'n Ystyriol o Drawma, mae'r cwrs e-ddysgu hwn yn archwilio effaith trawma a sut y gall dulliau sy'n ystyriol o drawma wella'r cymorth, y gwasanaethau a'r canlyniadau i unigolion.

Canolfan Arbenigedd ar Gam-drin Plant yn Rhywiol (Canolfan CSA) – Adnabod ac Ymateb i Gam-drin Plant yn Rhywiol o fewn y Teulu

Datblygwch eich dealltwriaeth o gam-drin plant yn rhywiol o fewn y teulu a chryfhau eich hyder wrth adnabod ac ymateb i bryderon. Mae'r cwrs yn archwilio natur ac effaith cam-drin o fewn cyd-destun teuluol ac yn cefnogi ymarfer diogelu effeithiol. Sylwer nad yw'r hyfforddiant hwn ar gael yn y Gymraeg ar hyn o bryd.

E-ddysgu'r Ganolfan CSA

Ymddiriedolaeth Suzy Lamplugh – Ymwybyddiaeth o Stelcian

Cynyddwch eich dealltwriaeth o stelcian a'i effaith ar ddioddefwyr drwy'r adnodd ymwybyddiaeth hwn. Mae'r hyfforddiant yn helpu dysgwyr i adnabod ymddygiadau stelcian, deall ffactorau risg ac ymateb yn briodol i bryderon. Sylwer nad yw'r hyfforddiant hwn ar gael yn y Gymraeg ar hyn o bryd.

Tîm Gwrth-gaethwasiaeth, Llywodraeth Cymru – Dysgu Ar-lein Gwrth-gaethwasiaeth Cymru

Wedi'i gynllunio i gynyddu ymwybyddiaeth o gaethwasiaeth fodern a masnachu pobl, mae'r adnodd dysgu ar-lein hwn yn helpu dysgwyr i adnabod arwyddion camfanteisio, deall yr effaith ar ddioddefwyr, ac ymateb yn briodol i bryderon. Mae'r adnodd ar gael yn Gymraeg ac yn Saesneg.

Y Brifysgol Agored – Datrys Problemau ar y Cyd ar gyfer Diogelwch Cymunedol

Archwiliwch ddulliau cydweithredol o wella diogelwch cymunedol a mynd i'r afael â materion cymdeithasol cymhleth. Bydd dysgwyr yn datblygu dealltwriaeth o weithio mewn partneriaeth, technegau datrys problemau, a sut y gall sefydliadau gydweithio i gefnogi cymunedau mwy diogel. Mae angen cofrestru gydag OpenLearn i gael mynediad at y cwrs ac olrhain cynnydd dysgu.

Llywodraeth y DU – Hyfforddiant Dyletswydd Prevent

Mae'r hyfforddiant hwn yn darparu cyflwyniad i'r ddyletswydd Prevent ac yn helpu dysgwyr i adnabod bregusrwydd i radicaleiddio a deall eu rôl wrth ddiogelu plant, pobl ifanc ac oedolion rhag y risg o eithafiaeth. Sylwer nad yw'r hyfforddiant hwn ar gael yn y Gymraeg ar hyn o bryd.

Cyngor Caerdydd a WISE Kids – Atal Radicaleiddio Ar-lein: Cefnogi Rhieni/Gofalwyr ac Ymarferwyr

Wedi'i ddatblygu ar gyfer rhieni, gofalwyr ac ymarferwyr, mae'r adnodd hwn yn archwilio'r risgiau sy'n gysylltiedig â radicaleiddio ac eithafiaeth ar-lein. Mae'n darparu canllawiau ymarferol ar adnabod arwyddion rhybudd a helpu i gadw plant a phobl ifanc yn ddiogel ar-lein. Mae'r adnodd ar gael yn Gymraeg ac yn Saesneg.

Plan International UK – Creu'r Amodau

Dysgwch sut i greu amgylcheddau lle mae plant a phobl ifanc yn teimlo'n ddiogel, yn cael eu gwrando arnynt ac yn cael eu grymuso. Mae'r adnodd hwn yn darparu dulliau ymarferol o hyrwyddo cyfranogiad, cynhwysiant a diogelu mewn amrywiaeth o leoliadau.

I gael dysgu a myfyrio ychwanegol ar greu perthnasoedd diogel, parchus ac iach, ewch i (She Is Not Your Rehab), sy'n darparu adnoddau, fideos a deunyddiau trafod sy'n canolbwyntio ar atebolrwydd, llesiant, perthnasoedd teuluol ac atal trais.

She Is Not Your Rehab

Dolenni i Hyfforddiant Allanol

NSPCC: Hyfforddiant Amddiffyn Plant a Diogelu yng Nghymru

Wedi'i ddatblygu ar gyfer y Swyddfa Gartref: Adnabod ac Atal Anffurfio Organau Cenhedlu Benywod (FGM)

Deall Meddyliau Pobl Ifanc: Gwydnwch Emosiynol a Hunan-niweidio

Cadwch Blant yn Ddiogel: Cwrs Am Ddim ar Ddiogelu Plant rhag Camfanteisio'n Rhywiol ar Blant

ExChange - Yn creu gwell ofal cymdeithasol yng Nghymru

Gweithio gyda Theuluoedd Sipsiwn, Roma a Theithwyr (E-ddysgu)

Cafodd y pecyn hwn ei gyd-gynhyrchu gan Brifysgol Caerwrangon, Cyngor Sir Swydd Gaerwrangon, Cymdeithas Gwaith Cymdeithasol Sipsiwn, Roma a Theithwyr, Gypsy and Traveller Empowerment (GATE) a Worcestershire Children First. Darparwyd cyllid ar gyfer y gwaith hwn gan yr Adran Addysg (DfE) drwy Bartneriaeth Hyfforddiant Gwaith Cymdeithasol Gorllewin Canolbarth Lloegr.

Mae'r pecyn e-ddysgu yn ymdrin â'r pynciau canlynol:

  • Trosolwg a Hanes
  • Heriau
  • Gofal Cymdeithasol
  • Adnoddau

Mae'r modiwlau'n fyr (tua 15 munud yr un) a gellir eu cwblhau'n unigol neu mewn un sesiwn. Maent yn canolbwyntio ar waith cymdeithasol a phrofiadau byw aelodau'r gymuned yng nghyd-destun Swydd Gaerwrangon, ond mae'r negeseuon ynghylch dealltwriaeth ddiwylliannol ac arferion da yr un mor berthnasol i waith cymdeithasol a phroffesiynau cysylltiedig mewn lleoliadau eraill.

Sylwer nad yw'r hyfforddiant hwn ar gael yn y Gymraeg ar hyn o bryd.

Gellir cael mynediad at y pecyn e-ddysgu drwy'r ddolen isod.

Noder: Mae'r cwrs hwn wedi'i ddiogelu gan hawlfraint Cyngor Sir Swydd Gaerwrangon ac ni ddylid ei addasu mewn unrhyw ffordd, ac eithrio ychwanegu cynnwys ychwanegol sy'n arbennig o berthnasol i'ch sefydliad eich hun. Darperir y pecyn at ddibenion addysgol yn unig ac ni chaiff ei werthu na'i ddefnyddio at unrhyw ddibenion masnachol. Mae pob hawl eiddo deallusol sy'n ymwneud â'r pecyn yn parhau'n eiddo i Gyngor Sir Swydd Gaerwrangon neu ei Bartneriaid neu Ddarparwyr Cynnwys.

.