Nid yw bwlio yn dderbyniol ar unrhyw adeg
Gall bwlio gael effaith negyddol hirdymor ar les meddyliol a chorfforol plentyn. Nid yw bwlio yn dderbyniol AR UNRHYW ADEG ac mae’n bwysig ein bod yn codi ymwybyddiaeth am bob math o fwlio fel y gallwn geisio’i atal rhag digwydd, ac os oes achos o fwlio yn digwydd mae’n bwysig fod cefnogaeth ar gael.
BWLIO: ymddygiad sy’n digwydd drosodd a throsodd, gyda’r bwriad o frifo rhywun yn emosiynol neu yn gorfforol.
Mae gwahanol fathau o fwlio yn gallu digwydd, gan gynnwys bwlio corfforol, ar lafar, yn gymdeithasol neu seiber-fwlio.
Arwyddion posib fod plentyn yn cael ei fwlio:
Efallai na fydd rhywun sy’n cael ei fwlio yn arddangos unrhyw arwyddion i’ch rhybuddio, ond cadwch lygad allan am y rhain:
- Salwch aml
- Newidiadau mewn arferion bwyta
- Anhawster cysgu
- Ddim eisiau mynd i’r ysgol
- Colli diddordeb yn yr ysgol
- Diffyg hunan-barch
- Niweidio ei hunan
Beth allaf ei wneud i helpu i godi ymwybyddiaeth o fwlio?
Gallwch helpu i godi ymwybyddiaeth o fwlio mewn nifer o ffyrdd. Efallai y gallwch drefnu dadl gwrth-fwlio yn eich ysgol neu ofyn i’ch athrawon i gynnal gwasanaeth ar y thema gwrth-fwlio. Gellir dod o hyd i adnoddau defnyddiol yma.
Gwaith gwrth-fwlio a wneir gan bobl idanc yng Nghanolbarth a Gorllewin Cymru.
Crëwyd fideo gwrth-fwlio gan gynrychiolwyr ifanc Sêr Saff, - Bwrdd Iau Diogelu Plant Ceredigion. Bu Grŵp Ieuenctid Aberdaugleddau yn gweithio i godi ymwybyddiaeth a rhoi terfyn ar fwlio i bobl ifanc yn eu canolfan ieuenctid.
Bu Grŵp Ieuenctid Aberdaugleddau yn gweithio i godi ymwybyddiaeth a rhoi terfyn ar fwlio i bobl ifanc yn eu canolfan ieuenctid.
Er mwyn hyrwyddo ein thema ymhlith pobl ifanc, heriodd Ceredigion grwpiau ieuenctid i gynllunio poster i’w ddefnyddio’n lleol. Cynlluniwyd y poster buddugol (isod) ‘Seiberrfwlio – paid â bod yn flin tu ôl i’r sgrin’ gan Tyler o Ysgol Penglais a Penparcau clwb ieuenctid. Da iawn, Tyler!
Cysylltiadau defnyddiol
Llinell gymorth gyfrinachol a rhad ac am ddim ar gyfer plant a phobl ifanc yn y DU yw Childline, fel y gallant siarad â rhywun am unrhyw bryderon sydd ganddynt. Gallwch siarad â nhw am unrhyw beth.
Ei nod yw darparu cyngor, hyfforddiant ac adnoddau ymarferol i blant, teuluoedd, gofalwyr a phobl broffesiynol, er mwyn atal bwlio ac amddiffyn bywydau ifanc.
Llinell gymorth gwybodaeth, cyngor ac eiriolaeth i blant a phobl ifanc.
Gwasanaeth Camfanteisio ar Blant a'u Hamddiffyn Ar-lein (CEOP)
